चेम्बर एक्स्पो – २०२५ को समुद्घाटन समारोह

चेम्बर एक्स्पो – २०२५ को समुद्घाटन समारोहमा अध्यक्ष श्री कमलेश कुमार अग्रवाल ज्युको स्वागत भाषण

प्रमुख अतिथि: सम्माननीय प्रधानमन्त्री श्री केपी शर्मा ओली ज्यू 
विशिष्ट अतिथि : माननीय सञ्चार तथा सूचना प्रविधिमन्त्री श्री पृथ्वीसुव्वा गुरुङ ज्यू
व्यापार एवं निर्यात प्रर्वद्धन समितिका कार्यकारी निर्देशक शरदविक्रम राणा ज्यू
चेम्बर अफ कमर्सका निर्वतमान अध्यक्ष ज्यू
पूर्वअध्यक्ष ज्यूहरु
चेम्बरका सम्पुर्ण पदाधिकारी एवं कार्यसमितिका सदस्य ज्यूहरु
विभिन्न संघसस्थाबाट उपस्थित हुनुभएका अध्यक्ष एवं पदाधिकारी ज्यूहरु
आमन्त्रित अतिथि ज्यूहरु
उद्योगी व्यवसायी मित्रहरु
पत्रकार मित्रहरु
महिला तथा सज्जनवृन्द

१.नेपाल चेम्बर अफ कर्मसद्धारा आयोजित आठौं अन्तराष्ट्रिय व्यापार मेला २०२५  को  समउद्घाटन समारोहमा उपस्थित सम्माननीय प्रधानमन्त्री ज्यू, विशिष्ठ अतिथि माननीय सञ्चार तथा सूचना प्रविधिमन्त्री श्री पृथ्वीसुव्वा गुरुङ ज्यू लगायत सम्पुर्ण अतिथिज्यूहरुमा हार्दिक स्वागत अभिवादन गर्दछु ।

 २. साढे ७ दशकदेखि क्रियाशिल निजी क्षेत्रको प्रतिनिधिमुलक पहिलो सस्ंथा नेपाल चेम्बर अफ कमर्सले मुलुकको समग्र आर्थिक समृद्धि एवं निजी क्षेत्रको व्यवसायिक क्षमता अभिवृद्धिका लागि बिभिन्न गतिबिधिहरु सन्चालन गर्दै आएको छ । यसैक्रममा अन्तर्राष्ट्रिय स्तरको क्यातधबचभ बलम ब्क्ष् एचयवभअत सहित आठौं  नेपाल चेम्बर भ्ह्एइ  २०२५  को आयोजना गरिएको छ । यसअघी उद्योगी व्यवसायीको सक्रिय सहभागिता एवं अवलोकनकर्ताको अपार हौसलाले सातौं चरण सम्मको चेम्बर EXPO अत्यन्त उपलव्धीमुलक रहेको निवेदन गर्दछु ।  

३.मुलुकभित्र आयोजना हुने अन्तर्राष्ट्रिय स्तरका ब्यापार मेला तथा प्रदर्शनीहरुले नविनतम प्रविधि, उत्पादन, उपभोक्ताको चाहना एवं वजारिकरण आदि आर्थिक तथा व्यापारिक गतिविधिहरुको प्रत्यक्ष अवलोकन गर्न सकिने अवसर प्रदान गरेको हुन्छन । मुलुकभित्र यस्ता आर्थिक क्रियाकलापको विस्तारले वाह्य व्यापारिक समुदायसंग सहकार्य भई स्वदेशी उद्यमी व्यवसायीहरुमा प्रतिस्पर्धात्मक क्षमता अभिवृद्धि गर्न समेत ज्यादै प्रभावकारी हुने गरेको हामीले महसुस गरेका छौं ।  
 
४.वर्तमान सरकारको पहलमा हाल आर्थिक तथा व्यवसायिक वातावरण सुधार एवं सुशासन प्रर्वद्धन गर्ने उद्देश्यले मन्त्रीपरिषदबाट जारी अध्यादेशले मुलुकका ३० जति कानूनहरुमा औद्योगिक लगानी  व्यवसाय सहजीकरण एवं विदेशी विनिमय परिचालनमा रहेका समस्याहरुलाई सम्वोधन गर्ने प्रयास गरेको छ । नेपालको अर्थतन्त्र, उदार, बजारमुखी र प्रतिस्पर्धी बनाउने दिशामा निर्देशित छ भनेर यसले समस्त लगानीकर्ताहरुलाई उत्साहित बनाएको छ । यसका लागि सम्माननीय प्रधानमन्त्री ज्यूको सकारात्मक दूरगामी पहलका लागि हार्दिक आभार व्यक्त गर्दै यसै अनुसारको कानून र कार्यविधी एवं नियमावलीको पनि शिघ्र अपेक्षा गरेका छौं । 

 ५.अध्यादेशमा उल्लेखित व्यवस्था अनुसार रकम फिर्ता लैजान चाहने विदेशी लगानीकर्ताको प्रस्ताव ७ दिनमै स्वीकृत हुने सहजताले ती लगानीकर्ता माझ सकारात्मक सन्देश जाने देखिन्छ । लगानी सम्मेलनका क्रममा विदेशी लगानीकर्ताका लागि हामीले उठाएको इजी  इन्ट्री र इजी एक्जिटको विषय सम्वोधन हुन गएको छ । यस्तै सूचना प्रविधि उद्योगले विदेशमा कार्यालय खोल्न र लगानी गर्न सक्ने अध्यादेशमा उल्लेखित प्रावधान आईटी क्षेत्रको विकासका लागि काशेढुङ्गा सावित हुने चेम्बर अफ कमर्सको ठहर छ । 

६. चेम्बर एक्स्पोमा यो बर्ष Software and AI Project एक आर्कषणको केन्द्रको रुपमा रहेको छ । नेपाललाई अव आईटीका लागि अव विश्वकै उत्कृष्ट गन्तव्य बनाउन जरुरी देखिएको छ । कम लागतको जनशक्ति, डेटा र एआई केन्द्रहरुका लागि आवश्यक पर्ने पर्याप्त विद्युत आपूर्ति आदिले नेपालमा आईटी क्षेत्रको विकासमा ठूलो सम्भावना रहेको देखाएको छ ।  साथै आईटी केन्द्रहरुको स्थापनाका लागि आवश्यक तापक्रम अनुकुलको जलवायु नेपालको रहेकाले उपरोक्त केन्द्रहरुको स्थापनामा थप सहजता दिनेछ । यस्तै मुलुकमा सूचना प्रविधि जन्य उत्पादनहरुलाई भारत र चीनजस्ता छिमेकी ठूला बजारहरुसम्म पु¥याउन सकिने प्रचुर सम्भावना छ । मुलुकभित्र खपत हुने सफ्टवेयरहरुको प्रयोग गर्दा आन्तरिक उत्पादन एवं प्रतिस्पर्धाकै आधारमा मात्र चयन गरिनुपर्दछ । नेपालको आन्तरिक खपतका लागि प्रयोग हुने सफ्ट्वेयर, एआई लगायत अन्य सूचना प्रविधीजन्य बस्तुहरुको उत्पादनका लागि आन्तरिक कम्पनीलाई प्रोत्साहन गरिनुपर्दछ । 

७. क्लाउड अवसरको आर्कषणतर्फ विभिन्न राष्ट्रहरु ढल्किन थालेका छन । नेपालको उच्च दक्षताका सफ्टवेयर र एआई स्नातक जनशक्ती उत्पादन गरी थप रोजगारी सिर्जना गर्न ध्यान दिनुपर्दछ । किनभने क्लाउडको क्षेत्रमा लाखौं रोजगारी उपलव्ध हुने सम्भावना छ ।

८.सरकार, कर्पोरेट सेक्टर लगायत सरोकारवाला सवैले सूचना तथा प्रविधिलाई प्राथमिकतामा    राखेर काम गर्नुपर्छ भन्ने सन्देश प्रवाह गर्न एक्स्पोले सकारात्मक भूमिका निर्वाह गर्नेमा हामी विश्वस्त छौं । प्रविधिको प्रयोगविना मुलुकको समृद्धिको परिकल्पना समेत गर्न सकिदैन । रोजगारीको सिर्जना तथा मुलुकको भविश्यका लागि पनि हामीले यस क्षेत्रमा काम गर्नुपर्दछ भन्ने सन्देश प्रवाह गर्न पनि एक्स्पोमा हामीले सूचना तथा प्रविधिको क्षेत्रलाई प्राथमिकतामा राखेका छौं ।  

९. नेपाल सरकारले आर्थिक कुटनीतिलाई थप सक्रिय पारी विदेशमा रहेका नेपाली कुटनीतिक नियोगहरु मार्फत समय समयमा नेपाली वस्तुहरुको व्यापार मेलाको आयोजना गरेमा निर्यात, वैदेशिक लगानी प्रवद्र्धन एवं प्रविधि हस्तान्तरण आदिमा उल्लेखनीय टेवा पुग्ने हामीले विश्वास लिएका छौं ।  

 १०. नेपाल चेम्बर अफ कमर्शले सातौं चरणको एक्स्पोलाई पनि व्यापारिक अन्तक्र्रिया, आयात–निर्यातको सूचना आदान–प्रदान तथा नेपाली उत्पादनको बजारिकरणमा विशेष जोड दिएको छ । EXPO मा अन्तर्राष्ट्रिय व्यापारिक समुदायको समेत प्रत्यक्ष सहभागिताले  अन्तर्राष्ट्रिय क्षेत्रमा भईरहेका आर्थिक क्रियाकलाप, नविन प्रविधिको प्रयोग एवं व्यापार व्यवस्थापनका नयाँ आयामहरूलाई नजिकबाट नियाल्न नेपाली उद्योगी व्यवसायीहरुलाई सहयोग मिल्ने छ । साथै उत्पादन वृद्धि र निर्यात प्रर्वद्धन गर्न सहयोग पुग्छ भन्ने हाम्रो विश्वास रहेको छ । 
 

११. विगतमा झैं यस वर्ष पनि एक्स्पोमा कृषिजन्य वस्तुहरु, हस्तकला, लत्ता कपडाका सामानहरु, Automobile, Electronics, Home Appliance,Logistics, Textile, Furniture, Garments, Leather Goods, Jwellery Items, Cosmetics, Food and Dairy Products आदी सामग्रीहरूको प्रदर्शनीले आगन्तुकहरूका लागि EXPO एउटा उपयुक्त आकर्षण बन्न सक्ने विश्वास गरिएको छ । 

१२. एक्स्पोमा नेपालमै उत्पादित घरेलु तथा हस्तकलाका सामाग्रीहरु लगायत जडीवुटी, आयुर्वेदिक जन्य बस्तुहरु पनि प्रर्दशनीमा राखिएका छन् । यस मेलामा १ सय २५ भन्दा बढि स्टलहरू रहने छन् । जस्मा राष्ट्रिय एवं अन्तर्राष्ट्रिय कम्पनीहरू तथा उद्योगी व्यवसायीहरूको सहभागिता रहेको छ । नेपाल लगायत भारत, पाकिस्तान, थाईल्याण्ड, दक्षिण कोरिया, चीन, बङ्गलादेश, तथा अन्य मुलुकमा उत्पादित सामग्रीहरू भ्ह्एइ मा रहेका छन् । 

१३. चालु आर्थिक वर्षको ६ महिनामा ७ खर्व २३ अर्व व्यापार घाटा भएको तथ्याङक आएको  छ । मुलुकको अर्थतन्त्र आयातमुखी हुन पुगेको छ । मुलुकलाई आत्मनिर्भर बनाउन अर्थतन्त्रका हरेक क्षेत्रमा उत्पादन र उत्पादकत्व बढ्नु अपरिहार्य छ । आयात प्रतिस्थापन र निर्यात प्रवद्र्धनको लागि पनि यो कार्य आवश्यक छ ।  
 
१४. वर्तमान स्थितिमा विप्रेषणले अर्थतन्त्रको एउटा महत्वपूर्ण अंशको रुपमा काम गरिरहेको भएता पनि यसलाई दीगो आधार मान्न सकिन्न । त्यसैले प्रतिस्पर्धात्मक क्षमता र तुलनात्मक लाभ भएका कृषिमा प्रविधि, जलविद्युत, पर्यटन तथा  क्ष्त् को क्षेत्रमा स्वदेशी तथा विदेशी लगानी भित्र्याई निर्यात प्रर्वद्धन गर्न आवश्यक छ  । यस्तै हस्तकलाका सामाग्री, खानी जन्य बहुमूल्य रत्न पत्थर, जडिबुटी आदि वस्तुहरुको उत्पादन र प्रशोधन एवं ब्राण्डिङ गरी निर्यात प्रर्वद्धन गरिनु पर्दछ । 

१५. नेपालमा अन्तराष्ट्रिय स्तरको प्रर्दशनी कक्षको निर्माणलाई अविलम्व पहल गरिनुपर्दछ । यसका लागि सरकारसंग सहकार्य गर्न नेपाल चेम्बर अफ कमर्स सदैव तयार छ । 

१६. अन्त्यमा, नेपाल चेम्बर अफ कमर्सद्वारा आयोजित चेम्बर भ्ह्एइ २०२५ को समुद्घाटन समारोहमा उपस्थित प्रमूख अतिथि सम्माननीय प्रधानमन्त्री श्री केपी शर्मा ओली ज्यू विशिष्ठ अतिथि माननीय सञ्चार तथा सूचना प्रविधिमन्त्री श्री पृथ्वीसुव्वा गुरुङ ज्यू लगायत सम्पूर्ण आदरणीय अतिथिज्यूहरुमा पुन हार्दिक स्वागत अभिवादन गर्दछु ।

  धन्यवाद ।